جل و علا من صرّف الناس بعقـول=وخلا قيـاس عقولهـا فـي تعاملهـا
ناس تحوز العرف ما طبّـت فصـول=فعل الجويهل صار من حـظ عاقلهـا
ونـاس ٍ عوجهـا مثـل زول بهلـول=لا تقبـل التعديـل و لاحـدن قبلـهـا
هرج مع العقيـل فـي غيـر معقـول=ولا كلمة المعقول فـي حـق جاهلهـا
ناس ٍ تسوق القول من غيـر مدلـول=وناس ٍ تسـوق أقوالهـا مـع دلايلهـا
وما كل قايـل يلحـق القـول بفعـول=وبعض الفعول تسابق هـروج فاعلهـا
يفرق مقام الذيـب عـن كـل مبـدول=لا عجّلـت سـود الليالـي بأواجلهـا
عور ٍ غبر متخالطاتـن مـع الحـول=يرسي لحابلهـا علـى صـف نابلهـا
يرسي كما تمثال و أصنـام أبالهـول=أصنام أهل فرعون ذكـرى مداهلهـا
على مدى التاريخ حول ٍ بعـد حـول=ما هزّها ما هـز مصـر و زلازلهـا
و اللا الردي في ماقفه عرض مع طول=مثل العجـوز اللـي توامـا شلايلهـا
فـي ماقفـه كنّـه زماليـق سملـول=عن تالي العاصوف يكفي بـه أولهـا
هذه القصيدة قديمة جدا وقد يكون لها تكملة والله أعلم
آمل ان تنال اعجابكم اخواني الاعضاء