[بــ ــــــــرق]

السلام عليكم و رحمة الله و بركاته


مـساكـم الـلـه بـالـخـيـر


هـذي قـصـيـده مـخـتـاره اتـمـنـى انـهـا تـحـوز عـلـى رضـاكـم




أستلموا

.
.
.
.

انا قلت بغيابي عنك .. ما مرت علـي ذكـراك=ولا قلت بغيابي .. مرت الذكـرى وانـا لاهـي

شوّي شوّي .. والا اسكت وعاتبني بدال شفاك=بطرفك .. وانتبه لا ينتبه طرفك .. وهو ساهـي

حبيبي .. وانت في غاية زعلك وثورتك ..محلاك=تباهى بالزعل ..مدري هو اللي فيـك متباهـي

ولا أحلى من زعلك بكل هالدنيا.. يا كود رضاك=ولا أحلى من خطاك إلا ارتعاشة عذرك الواهـي

ولا احدِِ يشبهك عندي سواك ..ولااحدِِ يسـواك=وانا في حبك افرق ..حتى انا ماني من اشباهي

لو انك ما قريت الشعر ..ما صار الشعر يقراك=ولو إنّه ما زهاك الشعر ما صار الشعر .. زاهي

احبك.. كلمةٍ ضاعت من شفاهي قبل ما ألقـاك=ويوم إني لقيتك صار ما بشفاهـي إلا .. هـي

اذا ما قلت لك في يوم:احبك واعشقك واهـواك=احس إني جحود لخالقي.. في نعمـة شفاهـي

واحبك جنبي هنيّا ..واحبك لـو تـروح هنـاك=واحبك سيّـدي.. ومقيّـدي.. والآمـر الناهـي

أبيك تقول ابي (هذا)واقوا ابشر (بهـذا )جـاك=اذا ما كان هذا عز نفسـي ..فالطّلـب راهـي

وأبيك تقول لي كـل الكـلام إلا كـلام أنسـاك=لانه حلم ياهـو مستحيـل ..وكلمـةِِ .. ياهـي

مثل برد الفراق.. لدافـيِِ فـي قربـك ولامـاك=مثل خوف الظلام لوامنِِ.. في نـورك الباهـي

تبي تعرف حبيبي ليه ما مرت علـي ذكـراك.؟=لأني ما نسيت اصلاََ عشان اذكـرك يـا لاهـي

لـ شـاعـرهـا : رشــيـــد دهـــــام




تـقـبـلـوا تـحـيـاتـي


بــ ـــــــرق