[مـحـمـد بـن فـهـد]

المشاركة الأصلية كتبت بواسطة نوض سدير

تمعّنت بزمانٍ فيه هالعالم جَبر يقـْفون = وَلا به للعيون الجافية عذرٍ وَلا تبرير
بكـَت عين السوالف والحقيقة صدرها مطعون = خذاها الزيف واخفاها وراح ابْها مَراح الطير
يموت الصدق وتموت الضماير .. والحزون حزون = كلابٍ تلهث وتنبح وقافلـْة البياض تسير
يسُود الحزن في دنياً صحى منـْها الفرَح مهيون = ويغيب الأنـْس عن عيني وتذبل دمعتي وتحِير
مجاهيم الظنون أدمَت وزادت هالظنون ظنون = وَلا به للجماله شيخ يَرْكي للزمن ويجير
وفي زحمة ذنوب الخلق اشوف الناس شكل ولون =وَلا كنـّه بقى بقلوب ذوليك الأوادم خير
أوادم حالها مُبْكي ودنياً حالها مشطون =وكلٍّ يركض بأرض الوسَاع وما التفت للغير
جناح الذلّ والرحمة تكسّر في فضا هالكون = وضاع البـِرّ والطِيبة جفاها دلـْوَها يا البير
أمورٍ تـُودع العاقل يعيش بواقعه مجنون = يموت الورد بيْدَينا ونبكي : لا أبد ما يصير
سلام الله على عُمْرٍ قصير وبالعمل مرهون =وسلام الله على عينٍ تناشد هالخطا تفسير

[/font][/size][/color]

نوضـ، سـديـر

صـحـ، لـسـانـكـ، مـلايـيـنـ، ولايكفون

قصيده جزله
سجلي اعجابي