هذي قصيده قالها المرحوم:نافل بن مهدي العرجاني رحمه الله واسكنه فسيح جناته
في النسب الطيب والخبيث:
تسمّعـوا للهرج بـأول مقالـه=هرجٍ وكاد وبه معانـي كثيـره
عندي لكم يا مدوريـن الشكالـه=نصيحـةٍ تهـدا عليكـم بريـره
حاثور بنت اللاش لوضى جماله=بنصحك قرب اللاش مامنه خيره
ماينطلق وجهك الا جاء مجالـه=وابنك يحوش بأثر ابيها معيـره
عليـك باللـي ساسهـا ينعنالـه=بنت الشجاع اللي يمينه شطيـره
سهل الجناب ومتعبـاتٍ دلالـه=وان عسمت ينطح شبات المغيره
وسيـع حلـم ومـاشٍ بالعدالـه=بين الجماعه مايجـر الجريـره
وان عسمت الاريا تشوقك افعاله=شرٍ تقـادح للوجيـه الشريـره
ياتـي ولدهـا متعبينـه خوالـه=ماهوب مثبورٍ يمينـه شطيـره
ومن جوز الخايب علشان مالـه=اصبح نديم الراي يلعن مشيـره
لاتجوز اللي ساس رايه رزالـه=يصبح على شوفتّك منه كسيـره
دايـم عليهـا كاثـراتٍ عذالـه=قـنٍ دواديـه عليهـا كثـيـره
تفرح ليـا دبـر وتكـره قبالـه=من كثر ما يثقي عليها العثيـره
وتلعن صديقٍ فيه شربك حبالـه=لاحوشت خيرٍ ولا مـن ستيـره