اقدم لكم مصافحتي الأول على امل ان تفوز برضاكم
درب الهوى كله عذاب ومعاسيـر
وكله همومٍ تهلك اللي مشى بـه
بمشي على دربه ولو هو مشاوير
وبصبر على همه وجمرة عذابـه
دام الهوى يلعب بصدري وأنا بخير
والقلب ينبض في هنـاه وشبابـه
بسري في ليـلٍ حالـمٍ بالتفاكيـر
وأسرج خيول الحب وأطرد سرابه
وبكتب حروفٍ من ورود ونواوير
يلقى بها العاشـق دواه وصوابـه
وبسهر من نجوم الليالي المساهير
وأشب نار العشق وأفتـح كتابـه
هذي أحاسيسـي إجابـه وتعبيـر
واللي سألني ليت يلقـى جوابـه