التجارب دروس
ارعدي يالقصايد وابرقي ياهجوس* وامطري ياالمعاني سلسبيل ونبا
في زمان عسير وفي زمان عبوس* قدت ذود المراجل والسنين شهبا
يوم غيري تردى قلت ياقاب دوس* وش نبا باالهلايم وش نبا وش نبا
وكل الله وخل الطيب غصن مغروس* يوم راحت علوم اللاش طيش وهبا
طغمة كلها مجمع ضعاف النفوس* شفت فيها برود وشفت فيها غبا
فيهم الجاهل اللي في مراحه يحوس* مامشى بالمراجل ولا قد حبا
والمكارم تراها ماتجي باالفلوس* والليالي شديده والمساري تبا
ماثنيت العزايم لو تكوش البسوس* ومرحبا باالشكاله مرحبا مرحبا
الله اللي رفعني عن طمان النجوس* يوم دم الكرامه في عروقي ربا
ماتحيد الرجال ولو تغيب الشموس* والجمايل فعولي والحسود يهبا
راس مالي مراجل يوم غيري يهوس* عن دروب المراجل من سنين الصبا
والليالي تجارب والتجارب دروس* وامطري ياالقصايد سلسبيل ونبا
*************
منقول