إلا قلت لك مشتاق فعلاً تـرى مشتـاق
إلا كنت ضاميهـا وإلا كنـت جايعهـا
انا اعشق مراتيعٍ سكر فوقها البـراق
واعشق البداوه واهلها مـن طبايعهـا
وشوفت مجاهيمٍ مع لحظـة الاشـراق
مصاغيرها تـدرج مـع اول طلايعهـا
واعشق القنص والمغتر الحايم اللحـاق
بعد علـق الصيـده وهـود فزايعهـا
وجمعت رجال العز والطيب والميثـاق
يصك الردي ماهوب ياصـل وقايعهـا
ولو شفت فالدنيا ولو طقـت ماينطـاق
غرام البـداوه يبعـد النفـس لايعهـا
انا مادخلت السوق يالهـاوي الـذواق
علشان تنشدني عن افضـل بضايعهـا
تركت الهوى لهل الهوى والغرام إزهاق
يموت الخفـوق ولا لحقنـا وجايعهـا
مضتلي دروسٍ فالهوى والفراق إفراق
بعد شفت شاريها يبـي قـرب بايعهـا
الله الله الله الله الله الله الله الله الله الله الله.
أرحب يالله حي ابن العم
حيّه وحي ماجاب من جزاله.
لعنبو راسٍ مايطربه قصيد شرواك.
صح الله السانك لين ترضى ومليون ومدد بلا عدد يالذيب.
تقبّل تحيّاتي وإعجابي ومتابعتي.
أخــــــــــــــــــــــــــــــــــــــــــــــــ ـــــ(كميّخ الهاجري)ــــــــــــــــــــــــــــــــــــــــــ ـــــــوك.