عطني زقاره ياولد ابغي اعمٌر واستريح = البال مشغول(ن) وقلبي غادي له مذبحـــه
مادامني فالدنيا هذى ماشين عكس الصحيح = ياكيف يرتاح الموٌلع ويهتني في مطرحــه
اعطي زماني كل شىءٍ له ولاني ابشحيح = لكن زماني عذره اللى قالوا عنه (اقبـــحـــه)
حتى قصيدي.؟ يدري ويعلم بأني رجال(ن) صريح = ولامن دعيته جااوب وجاني و(شخصي مربحـه)
وياصاحبي ياشاغل(ن) فكري ماتسمعني اصيــح؟ = وانته ليا منك بكيت حتى دمعك امسحـــه
ماكنت ادري بالهوا والعشق الين جيتك طريــــح = في حبك اللي دمرٌ احوالي ولاله مصلــحــه
احساسك الميٌت متى يصحى ويبراله جريـــح ؟؟ = قطٌعت قلبي الين قلبي صار كنٌه مشرحـــه
هذا جزا منهو تعلٌق في هوا الترف المليــح = يبقى على حبـه وخياله لين همـٌه يذبـــحـــه
وانا.. قسم بالله لو بس يناديني ويصيـــح = في ذمتي ماارجع للي خان قلبي واذبحـــه
وسلامتكم