يا عبرة(ن) هـــلـيـتها تالي عصيـر=بـــالله قـــولي وش مــــكــدر خـــفوقي
البـــال ضايــق والــيـالي مـدابـيــر=والــهــم يــسري مع خــلايا عــــروقي
يالــيت لي جنحان يانــفس وآطــير=مــاني على الــدنيا واهـــلها شــــفوقي
ودي اخليها لنـــاس(ن) مصاغــير=مــاهي هـــوا بـــالي وشـــفي وتـــوقي
هذا وانا شاعر ودلوي على الـبيــر=ويسقي ضـــما العشاق صافي طروقي
امهمل(ن) نفسي وسالي مع الـغـير=والــنــفس مـــن لــيعــاتـــــها ماتفوقي
لي صاحبا(ن)ماهوب مثل الغنادير=له صـــادق شــــعودي وحبي وشوقي
ألي لــيا شـــفـته اســــوق التبـاشير=ويــسوقني قــــــلبي على رضاه سوقي
وصف الــمشاعر فيه خان التعابير=فـــيه الــقـــصايــد كـــلــها ماتـــعوقي
ليــن افــــترقنا باليـــالي الـــمغابير=في ســـاعة(ن) فـيها تــغص الحلوقي
مـــقســوم يــاقلبي وهـــذي مقادير=صار الحزن ضيفي وسجني وطوقي