واخذ الخبر ماهو خبر من جرايد
ياتيك من راسي وفيـه الافـاده
ماهو يدوم الصيد لو كنت صايد
لابد كل مسلـم يـورا حصـاده
وماهو يدوم المجد لو كنت سايد
كـل البشـر معرضـه للإبـاده
ترا العمر يومين فيهـا اتعايـد
ثم عشرتن في كل ليلـه نكـاده
خلك بذاليومين جـزل المدايـد
وفي ذالعشر اصبر وقو الاراده
وفي ذالزمن بالنصح مابه جدايد
كثر النصايح كالبحر مع زبـاده
كثيـرتـن لكنـهـا كالفقـايـد
قليل منهو ضمهـا فـي زنـاده
اما تجي في موقفن او قصايـد
لجل أيتقلدهـا سـواة القـلاده
وماكل ماتزرع يجيك بحصايـد
في دنيتن فيها بياض وسـواده
إلا رضى الوالي لصاحبه عايـد
في يوم كلن بعملـه وإجتهـاده
الله الله الله الله الله الله الله الله الله.
أبدعت يابن عكشان وصح الله السانك لين ترضى.
دمت في سماء الإبداع.
تقبّل مروري.
أخــــــــــــــــــــــــــــ(كميّخ الهاجري)ــــــــــــــــــــــــــــوك.