مساكم الله بالرضا والعافيه
هذي أول مصافحه لي بينكم
اتمنى انها تلاقي قلوب تحضنها
...................................
هو جرحني هو ذبحني هو تركني هو نساني
هو قتل فيني حنيني بكل رغبات الشفاحه
ياااه منه ياااه مني كنت أشوفه شي ثاني
كان همي كان دمي وكانت جراحي جراحه
آه ياخيبــة حــنـينــي يـاأنيني ياهواني
ياضياعي من طباعي وطيبتي كانت وقاحه
هي تعاسه هي خباله هي بدايات لـ جناني
قمت ابمسح له دموعه شاف دمعي واستباحه
بنت عز وطحت طيحه طحت لحظة ماجفاني
كن ذلي ذل شيخ(ن) طاح والطيحه صياحه
إن رفع صوته تحرك جرحه اللي في المحاني
وإن بكا بشويش يدري ماورا (بشويش) راحه
آه من جرح(ن) تغطرس في خفوقي وأحتواني
كن جرحه لي عدو(ن) يغرس بصدري رماحه
إيـه أحبه إيـه أحبه إيـه أحبـه هالأنـــاني
ويش أسوي في شعور(ن) كرر الذنب ابجاحه
أدري إنه قد جرحني قد ذبحني ثم نساني
لكن أحساسي في حبه فاق أحساسي بجراحه