اقتباس:
|
المشاركة الأصلية كتبت بواسطة سماوي بن نجم
الاخ القدير
عبدالله بن عريمان
حياك الله وسبقني بجلب القصيده العود
وهذي القصيده
لا واهني اللـي رصيـده ملاييـن
وامضاه فـي راس القلـم يقلبونـه
وبواخـره تمشـي بكـل البلاديـن
ومصادره من كـل شكـل نمونـه
وعنده عيـال صالحيـن ورشيديـن
لا غـاب والدهـم هـم يمثلـونـه
بيته يعانـق شاهقـات الضلاعيـن
تلقى الحمام مبيـض فـي ركونـه
وديوانه أكبر مـا بنـى بالدواويـن
مفتـوح واجـواد العـرب يدلونـه
فيـه الخـدم متكامليـن ومطيعيـن
من جـاء لهديـوان بيبـا شرونـه
ولا صار الريضان مثـل البساتيـن
ما طاب مـن ريضانهـا ينزلونـه
تلقى الخزاما والنفـل و الرياحيـن
تطرب له الورقـة وتزعـج فنونـه
مع لابة تنطـح وجيـه الشياطيـن
عـز لهـم وهـم يتفـادون دونـه
لا خطب بنـت مـا هلهـا معييـن
النـاس كلهـم ودهـم يناسبـونـه
هذي الحياة اللي لها النـاس شفقيـن
من غر منهـا يـا حيـاة المهونـه
أشوى من اللي ياخذ الديـن بالديـن
وطلابتـه راس الشهـر يبلشـونـه
ومع الفقر عنده ابـزور ونساويـن
يبـون حاجتـهـم ولا يعـذرونـه
يقضي معاشه ما مضى الشهر يومين
الفقـر شيبـه وشـيـب عيـونـه
عايش ولكن عيشة الفقـر مسكيـن
كنه مصخن وهو ما بـه اصخونـه
يا الله يـا قابـل صـلاة المصليـن
ان تقـوم بعـونـا ثــم عـونـه
العود لاهنت
|
اخي القدير سماوي بن نجم
يعطيك العافيه علي القصيده ومشكور
اعتقد انه مو كامله صح؟