كثر الزعل ياوزين الروح وشهوله ؟؟=لاصرت هاجس اخطاي وغاية مرادي
تدري بقدرك كبير ولاحدٍ حوله=في قرّة العين والاّ مشّة فوادي
وتزعل من أدنا خطا مهيب معقوله !!=ياعنك منتب تعرف اسلوم الاجوادي
أدمح خطاياي حسب الحب وأصوله=تعمي بها عيون حسادك وحسادي
وأترك عنادك معاي بعرضه وطوله=وأنا معك بآتلطّف وأترك عنادي
مدامنا أحباب والاعذار مقبوله=الزله اللي تجي من بيننا عادي
يادرّة القلب.. ياماسه .. ويا لوله=ياغربة الروح .. يامنفاي .. و بلادي
ياحلمي اللي قريب ولأقدر أنوله=ياشوفي اللي يقديني وأنا غادي
ياوجد قلبي عليك وياكبر هوله=قيدتني فالهوى وأحّكمت فقيادي
أتعبت رجليّ .. من دوله إلى دوله=على دروب الرضا .. سرداد مردادي
يدور رضاك قلبٍ زادت حموله=يصيح بأسمك بعال الصوت وينادي
والكلمه اللي تجي بـشفاك معسوله=تفتح لها فالحنايا وادي و وادي
وديانها بالغلا والحب مسيــوله=تزهر نواويرها .. وتفوح بالكادي
وكثر الزعل ياوزين الروح وشّهوله ؟؟=ياعنك منتب تعرف اسلوم الاجوادي
للشاعر الرائع
مطلق بن شويه
اتمنى ان تنال اعجابكم