ياطول صبري عليـه .. وماطـول المـدّه
والنفـس مابيـن مامـوره .. ومنهـيّـه
الحب .. والشوق .. والضيقات .. والصدّه
حطـت علـى وجهـي المقبـول ماريّـه
احدٍ زهـاه سـواد الخـال فـي خـدّه
واحدٍ بخـده مـن همـوم الدهـر كيّـه
يقفي به الشـك صـوب اللـوم ويـردّه
واذا رجـع مالقـى الا رسـم ثـاريّـه
وتزيـد بـه ضيقـة العشـاق .. وتهـدّه
ويبكي علـى حاجـةٍ ماهـي مبكيّـه !!
يـزل .. واقـول يمكـن ماهـو بـودّه
غلطـه .. وعلـى ماقـيـل عفـويّـه
حتـى ولـو قالهـا قاصـد ومـن جـدّه
يشفع لحاضـر غرامـه .. زيـن ماضيّـه
اعشقه .. واشتاق له .. واهـواه .. واودّه
ومن الغلا .. نسبـة المليـون فـي الميـه
ألـد عينـي لكـان ماهيـب منـلـدّه
هـو اول الحـب فـي عينـي .. وتاليّـه
واغر قلبـي علـى النسيـان . وآحـدّه
لاشـك عيّـا مـن النسيـان مولـيّـه
عـزي لحـالٍ علـى فرقـاه منـحـدّه
وعـزي لقلـبٍ الا مـن حـل طاريّـه
يتوق توق الوحش في كـف مـن هـدّه
لاطار مالد عينـه سـوا صـوب راعيّـه
ياشين فرقـا اللـذي تغليـه .. وتـودّه
لاصـار حـيٍ .. ولاتقـدر علـى جيّـه
ياجعـل ربـي يصبرنـي علـى الشـدّه
إلـيـن يجتـمـع غـالـي وغـالـيّـه
ولو طال صبري عليه .. وطالـت المـدّه
ياحيّ شوفـه قبـل لامـوت .. ياحيّـه
احتراماً لشاعرها انسخها كاامله .. وصح الله لسانك يابوراشد
وتسلمين ياقبلة العذارى على الاختيار الرائع كما عودتينا
تحياتي