للاسف مثل هذا الكلام عن ابناء القبيله
حتى لو قصر ولد عمك ما تذمه و هذا عيب و لا تقولون لي انجازات ما فيه عضو من الي ذكرتوهم ما خدمو القبيله و لا توانو عن خدمة القبيله.
لكن المطلوب منكن يا عجمان تقولون انتو شنو تبون تبون خدمات لا تقولون وين مواقف النواب مايصير يمشي شغلكم و يعارض الحكومة و لاحد يكذب على نفسه طلعتو بني عمكم فداويه مسيرين ملوك الصمت حتى البعض طعن في ذمم بعض نوابنا و الله عيب قصو الحق يا عجمان و الا كل ذا الحكي لشق الصف عيب و الله عيب اتمنى من الادارة الانتباه لمثل هذه الامور
للاسف الكثير يقول ديمقراطيه انا ننشر امور القبيله و كشف اوراق القبيله على الملا للاسف صار هذا حالنا ترى الي مثلونا العجمان اختاروهم بالفرعي يعني تصويت
هذا الموقع لخدمة العجمان و تجمع العجمان و توحيد صف العجمان و للاسف قاعد اشوف فيه حاليا بروبجندا داخليه هدفها شق الصف و قطع روابط البيت الداخلي للقبيله و قولو بدر ما قال و الوعد 17 / 5/ 2008 الساعه 2 باليل تدرون ليش لاننا راح نخسر كل شي و السبب مثل هذي المواضيع الي ما تصلح شي تخرب و حنا ما ندري انا ما اطعن في نوايا من وضع الموضوع و لا من شاركو فيه و لكن المفروض من الاول الموضوع هذا ما ينحط و الاجدر انه يحذف عشان الكلام الي فيه ما يجوز على ابناء القبيله لا تقولون اعضاء و لازم نحاسبهم لا ما لازم يتحاسبون تدرون ليش لانكم تبون اعضاء خدمات و عضو الخدمات بصام 100% مافيها كلام و ربعنا مواقفهم من القضايا الي تهم الشعب مشرفه لكن ارضاء الناس غايه لا تدرك
الي بتختاره اللجنه التشاوريه بنصوت له و لا جدال في ذا الكلام لانكم في ذا الكلام راح تكونون سبب في الاخفاقات السابقه الي قعدنا سنين نبكي عليها من عدم التزام العجمان في الانتخابات
تبون عضو خدمات و الا عضو مواقف اختارو قبل لا تنتقدون الناس و لا تقولون انا ابي و انا ابي لا نبي اجماع على اعضاء خدمات و الا عضو مواقف
يا اداره رساله اخيره حرصكم واضح على وحده صف القبيله نرفض اي دعايه من اي نوع قبل ان تنتهي اللجنه التشاورية من عملها
نطالب بعمل لقائات مع كل من اسمه وارد عند اللجنه و غير هذا ما نبي لانه ما وراه الا الحزازيات و انتو ادرى ما يحتاج اعلمكم شغلكم
و دمتم بود
و الوعد 17/5/2008 الساعه 7 الصبح ليش عشان اسجل حضور العجمان من ضاحية صباح السالم الى النويصيب