(بسم الله الرحمن الرحيم)
. . . السلام عليكم ورحمة الله وبركاته . . .
,,, مســـــــيكم بالخير جميعـــا ً ,,, وهذي قصيدهـ لـ شاعر محمد مريبد العــازمـــي ,,, وهي قصيده
رائعه وجميله وإنخدمـت وإن شهـرت القصـــيدهـ فـي شـــاعــــ المليون ـــــر الجزء الأول وهي
قصيدهـ بعنوان : شبيت من راس الفتيل القناديل ,,, ولاأجيد المقدمات...
. . . . وإلــــيكــم القـــصيده . . . .
شبيت من راس الفتيـل القناديـل=وذبحت في ميلاد شعـري تميمـه
شاعر وامثل لابتي خيـر تمثيـل=شعرن جديده يفتخـر فـي قديمـه
ابقى على حلـم الليـال المقابيـل=تدفعنـي النخـوه وقـو العزيمـه
ما اقول انا نجيب والا احمد زويل=اهل العقول الراجحـه والحكيمـه
لكن نحاول نرتقي جيل عن جيـل=واكبر فخر إنا من امـه عظيمـه
ايامنـا ذل وهـوان وغرابـيـل=تهدم قيم والجهل مسـرح جريمـه
واعلامنا غـزو عقائـد وتظليـل=قنـاة تمثيـل وصحافـه عقيمـه
والشعر فصل حال الايام تفصيـل=وجسد معانـاة الشعـوب الأليمـه
واصدق لساني حلل الوضع تحليل=احساس شاعر نابع(ن) من iصميمه
وانا ليا تغربت من غيـر تأويـل=ارضي طموحي وافهمي يا فهيمـه
انا ادري انه غرك القـال والقيـل=وكثرت عليك علوم راع النميمـه
لكن ترى ماعاد لي للصبر حيـل=ولا عدت اطيق المهزله والظليمـه
صحيح اجابه صدمة الوقت وآشيل=والصبر مفتاح الفـرج والغنيمـه
واحـاول ادور للأعـذار تعليـل=واقول ما ينسـى نديمـي نديمـه
لك بين ريضان الحنايـا مداهيـل=ولك بالحشى حشمه وشيمه وقيمـه
خوذي كلام اللي ليا قال ما يميـل=وخلي كلام اهل العقـول السقيمـه
يا وردت(ن) مالت على ضفة النيل=يهبهـا ريـح العبيـر ونسيـمـه
انا احتدملك وانثني واسرج الخيـل=واعنلـك واكـرب شـداد ريمـه
ثلثين ليل وثلث باقـي مـن الليـل=بعد القطيف وقبل مفـرق رحيمـه
ترسل وانا مانيب يـم المراسيـل=الوضـع سـيء والنوايـا مقيمـه
رسايلك توحي بقطـع المواصيـل=الله يبيـح اللـي رعـاك iiويديمـه
ماهو كذا تقفـي وذودي مباهيـل=وتهل دمعك مثـل دمـع اليتيمـه
جرحتني توك وانا جرحي محيـل=وهزمتني وانا ماعـرف الهزيمـه
وانا من احفاد الرجـال المشاكـل=بني عطا أهل الصفـات الكريمـه
إليا حدرنا وادي(ن) ضاربه سيـل=وإليا تسندنـا جبـال(ن) مريمـه
والمرجله لوهي ورا الجدي وسهيل=نسعالها سعـي الغريـم لغريمـه
فهمتنـي والا تبـي ندبـل الكيـل=نصيحتي خـل العلاقـه حميمـه
لا تحسبن دمعـي يبـل المناديـل=لا واللذي منعـم عليـك بنعيمـه
إن رحت عني جعل دربك تساهيل=وإن جيتني غالي وقـدر وحشيمـه
طبعي كذا ماركض خلاف الاقاويل=وحسيبنا محيي العظـام الرميمـه
. . . . وســــلامــــــت أعــــماركـــم . . . .
إن شاء الله القصيدهـ تحوز على رضاكم ,, وإنتظروا الجديد ,,,
لـــكم خالـــص تحياتـــي ... أخيكم : فـــهـــيد