.
.
.
قديـــمه اتركـــها بيـــن ايــديكم
وفي رحــــاب صـــدوركم ..
الا ليت ربي يوم غنا حمام الدار = خذا السمع مني يوم . . سري يجاهربه
تغني على لحن المواجع حديث ٍ صار = وانا الد سمعي دون صوتك ويا قربه
سرا الشوف مع دمع المحاجر وعقبه طار = وانا احاول اجمع ما بقى من ورا سربه
الا يالحمام اليوم وش طاري التذكار = وانا لا طرى طاريه قمت اتباشربه
تهيضت من بدعي بوجه الثرا الاشعار = او انك تغني من خفا هم تشعربه
انا في حجاك اليوم يا رب يا ستار = من الضيق .. واللوعات .. والعجز .. والكربه
ليا شفت لك عاني خذا قلبه لاسفار = لقا فالسفــر ســلوه لو الوقت يغـــدر به
تجلوا ضميري بين ارض ٍ خلا وقفار = خبرت الفواد يعيش في جسمه بغربه
الا يالحمام اليوم عزفك بدون اوتار = عزفت بوتر قلبي بريشه كما الحربه
تحسب الفواد يصيح من ريشتك او ثار !! = سكت لاهو بضايق ولا النفس منطربه
اطوف الديار وكل ما جيت حول جدار = طرالي قصيد ( ابن الملوح ) وافكر به
واقبل جداره وادري اني احب احجار = بحبــّه . . مدام انه يمره على دربه
تعذر حمامي عن لحونه وعقبه طار = وانا الوّح بكفي واشوفه مع سربه
وســـــوالمـــ ,,,