هذه القصيدة سبق وأن نشرت في جريدة المسائيه
وحازة على أعجاب الأخ العــزيز الشاعــر الكبـــير/
ضيدان بن منصوربن قضعان وحبيت أن تكون أول
مشاركه لي في منتداكم الموقر وارجوأن تنال أعجابكم
كان الليالي تشابه !!
الضيــــق له بين الحنايا مـــداهــيل**** بين الضلوع العوج نـوخ ركابه
ماغير أحط بســود الأيــــام وأشـيل***** والا الفـرح سافر وطـول غيابه
أمــثل الضحكه على الناس تـمــثيل ****والا عـذاب القلب ماحــدٍ درابه
وأصــــد عــن ربــــعٍ تحب التعاليل****من خـوف شيٍ ماحسبنا حسابه
الوضع مايحتاج شــــرح وتفاصـيل**** والقلب مـأيـستاهل اللي سطابه
يـــوم الــردا ماله علينا مـــــداخـيل**** الطيب يمدح صاحبه في غيابه
الطيب غــايات الرجــــال المشاكيل **** اللي لهم باالطيب قــدر ومهابه
بســـوق طيبي لوتشــح المحاصـيل**** من طاب يلقى عند ربه ثــوابه
بصبر على ذا الحــال لويطفح الكيل**** كـــود الفرح في يوم ينفك بابه
رجــــواي باالله في الليالي المقابيل**** مير البلا .. كان الليالي تشابه !!
عبدالله الهـمامي
أبوصقر