هذي آخر قصيده كتبتها وارجو ان تحوز على رضاكم
من خلال الهم والحزن واطياف السراب
نبحر في سنين الزمان ونطوي الاشرعه
نبحر ويلفنا ثوبين من ليل و ضباب
ومن ينزع الثوب الاول مني من ينزعه
بعد ما غابت عني ثم توارت بالحجاب
وابتدا ليلن طويلن ما كنت اتوقعه
ما لقيت امن اليالي الا ظلم الصعاب
تجمع اللي ناخذه وتاخذ اللي نجمعه
ولني حفرت الصبر شربت انواع العذاب
ومن الظما اشرب واشرب وكاسي مترعه
ولني واجهت الوله كرهت ارماح الغياب
ومن يحب الموت لا دنا منه مصرعه
صاحبي والقلب يندا علي ندي السحاب
ولا نزل غيث السحاب فاض وادي مدمعه
واختلط دمعي ودمي وغدا مثل الخضاب
ولا انحدر سيل الخضاب قام ريقي يردعه
والمشاعر فالحنايا حالت مثل الاعراب
يتبع البدو الحيا ويفتضح من تتبعه
وصرت اتلقف للهوا واقع زر الثياب
واومي براسي وكفي بجيبي توسعه
وقمت اتلفت حولي عسى ماعندي اجناب
واحط ايديني على الحشا من حر وجعه