يا مرخي حبال وصلك لا تقطًعها=شلفا بعادك سنينه و جرحت صدري
كانت بتركز و لولا الشوق مانعها=ربك ستر لا تحاتي محدن بيدري
زله و صارت و لك ذا اليوم بشفعها=لكن يا خوفي ترد و تركز بظهري
في وقتها لا ندمت و جيت ترفعها=و عادك تبيها ؟ تعَينها على قبري
تجارة هموم بعدك مل بايعها=من يشري الموت بيده قول من يشري ؟
ادلًه الروح بالفرقا و اطبَعها=و اصبر و اشوف الوله يطغى على صبري
ساهي و ذا الناس معها و لاني بمعها=و اذكرك و اقول جعله ساهي بذكري
لي ونتن من صميم القلب دافعها=تسكن ضحاي و مساي و ظهري و عصري
من قوًها شيبت في راس سامعها=و خاويتها تو عمري ما بدا عمري
عزي لحالك لو تقرَب و تسمعها=من دون تدري دموعك يا الغلا بتسري
يا قانين خيل حبي يا مطوَعها=يا اغلى من الكون عندي و انت ما تدري
يا مرَيح الروح مدري يا ملوًعها=الحب مفضوح في عيني و في شعري
حبك تعدا السما و امسى بسابعها=و ان كان به ثامنه قد راح من بدري
معاني الشوق من عيني منابعها=و تفيض لك يا بعدها كل ما تطري
و ذيك النفوس الردَيه لا تتبعها=على دروب المفارق ودهم نسري
تفريق الاحباب دايم من طبايعها=يبون كسر الغرام و كسرك و كسري
فرقاك طعنه و كان الشوق مانعها=و ذا جرح شلفاك شوف آثاره بصدري