[frame="9 90[frame="9 90"]"]
رديه من العيار الثقيل بين العملاقين الكبيرين سلطان بن الهاجري وضيدان بن قضعان
بداها سلطان :
ياحمامٍ على الأغصان غنا00جرصوته وأناجريت ونه00حَمل القلب مالايستطيعه 00
مادرى إنه جرح مالايداوي
ياوجودي وجود اللي تمنى00والأماني هن اللي ضيعنه00ضاع له ضيعةٍ ماهيب ضيعة00
بعد ماكان في الدنيا رهاوي
ورّدْ جال الغدير ولاتهنى00والرمك باالسروج وباالأعنه00يجتلد في مناكبها الوسيعة00
والمكاسب من الدنيا شلاوي
كان من حصل الحنا تحنا00ومن تولى رفيقه مايحنه00مالقلب القطوع الاالقطيعه00
أنتفع ياالفقير من الغناوي
أشهرطبوعنا وطبوع أهلنا00نحتقركل شيٍ فيه منه00لانجاري الزمان ولانطيعه00
وإن قسى الوقت بعدنا الهقاوي
مربط حصان وبعيرٍ مثنى00والموارد رًبْعْ والدلو شنه00والتطبع ماهو مثل الطبيعه00
والحياء يسترالوجه الحياوي
كان ماخيلت منا ومنا00امرحن واصبحن لجمولهنه00ياسليمان ذيع اللي تذيعه00
لوتغني كذا..ياأزرق سماوي
بلغوا صاحبي ضيدان عنا00حلفنا بين نار وبين جنه00ماحلفناه غدر ولاخديعه00
وكل تاريخ له كاتب وراوي
أسمع العلم يازبن المجنا00صاحبك ماأختلف ضنك وضنه00أنتفرق ولافينا نزيعه00
ونتجمع مكاسر عود جاوي
ورد ضيدان :
مرحبا عَدْ ماغنى المعنى00واجبٍ تحت فرض وفوق سنه00أقلط .. أقلط .. تفضل في الطليعه00
ولاتقهويت حلينا الدعاوي
نخدمك وش تمنى يامهنا00كنك الحاكم اللي وسط عنا00خدمةٍ فايف ستار وسريعه00
يحرق العود وتفوح القهاوي
سم .. لبيه ياخال المثنى00وماطرالك من القيفان غنه00وأحسب اليوم واصبح وتبيعه00
عقبها سفط البشت الحساوي
وحلف جدك وجدي ماجهلنا00لكن الحلف الأول باد .. لنه00أختلف مذهبه سنه وشيعه00
وأختلط حضرٍ وهل ابَلْ وشواوي
ياأبن وسام وْمْنَا وأمْنَا00باالله اللي نعيم الأمن منه00ثم بمن طبقوا حكم الشريعه00
مقطع الحق بشيوخ الفتاوي
وأن رجعنا على حْنَا و حْنَا00شب نارك ودن النجر دنه00وأقر تاريخ عَمْرابن ربيعه00
قبل تقرا دواوين الخلاوي
ليت هتلر حضر روضة مهنا00يومها باالرماح وبالأسنه00وأملحٍ يرهب الفارس لميعه00
والعزاوي تخالفها العزاوي
كان ماغرته دخلت فيْنْا00ثم توهق بلندن يحسبنه00مثل باريس ياخذها ذريعه00
مادرى إنه كذا .. ياأزرق سماوي