اقتباس:
|
المشاركة الأصلية كتبت بواسطة سالم الرتيبان
بعد الغيباب ارجو ان تشفع لي هذا البسيطه واتركها بين ايديكم
يالله بدل حالنا وارجع لنا ماض العصور = انت العليم وكل نفسن للقضى تختارها
يلي على بيتك جميع الناس تسجد لك تدور = من خشيتك وعيوننا هلت جميع عبارها
يكم فقدنا من طويلين اليماني والشبور = اقلامنا من ذكرهم جفت جميع احبارها
الي عطونا للحياه دروس لايمكن تبور = تمسكو قبوبها وحمو جميع اسوارها
اذكارها تسوى الذهب تسوى اللألىء فالبحور= وانا شريت اذكارها فيمايلي اخبارها
الأوله في طاعة الرحمن والمولى سرور= وبيستوي يوم الحشر الضعوف مع تجارها
والثانيه للوالدين حقوق والدنيا تدور = يجزى بها الرجال وعياله تعيش ادوارها
والثاله حفظ الامانه حفظها بين الصدور= لوهي بسيطه تنحفظ محد(ن) يعرف اسرارها
والرابعه دون الخوي والضيف لاياتي قصور = وإن شحت الايام بالك لاتعد اعذارها
والخامسه صبرك على مر الليالي والدهور = والله يفرجها عقب ماذقت طعم امراها
والسادسه جارك لو انه جار تكفى لاجور = ذكر العرب من ماضي الازمان عزت جارها
والسابعه جنب طريقن فيه كذب وفيه زور = وإن طالت المده فضحك صغارها وكبارها
هذا بعض منا شريت وصغته بعرض السطور = قمت اتمشى بالرياض اقطف جديد ازهارها
بغلف الباقه واقدمها هديه للحضور = بزكى سلامي والنصيحه فاح ريح بهارها
وسلامتكم
وسامحوني على القصور
|
ارحب يا ابو عيد تراحيب المطر
حي ذا الراس وحي ما جاب
صح لسانك على ذا القصيدة الجزلة
وياليت كل يوم وانت عندك عمال 
عشان تطلع ذا المواهب
في انتظار جديدك
لاهنت