يا وقت عيني قد تزايد عناها=كنها عن الممسى و الافراح تنحد
يا وقت وش علمك ؟؟ ترى جف ماها=اشقيتني من بد امة محمد
ظروفك القشرا دفني عطاها=و الله لا يهينك على كل هالود
وجدي على اللي ما تردى وفاها=و يا وجد حالي كلما قلت يا وجد
اللي خطاها يندمح من غلاها=فراقها لي قطًع القلب و الكبد
قومه سرو يالله تستر خطاها=عن الضما و الجوع و الضيم و البرد
دارن من الفرقا تخافت سناها=و دمعن من الغبنه دما عينن و خد
و ان قيل لي : وش قوم قلبك بكاها=الرجل ما يبكي من امعانق البعد.
بقول كلمه تختصر ما وراها=بيتن عسى انه يفهمه و يتفود
.... لوعات فرقا الحب لا جا صداها=اطلق شنب لا مرته هدته هد....
و سلامتكم و اسمحولي على القصور