.
.
.
في قلمـــه جٍدّه فالكتـــابه
بعيـــد عن اعـــادة نفســـه في اقــلام الشعــراء
شاعــر كتـــب ليـــكون / هـــــو
.
.
.
توّك اللحين تدري فالهوى .. والهيام ؟! = يوم جفّت - من طعونك - .. دموع الجفون !!
جاي تشكي لي همومك وقلّ المنام = تحسب إنّك إلين اللحين .. خل .. وتمون ؟!
جاي (بأصدق بدايه) .. وأنته .. (أكذب ختام) = تحسب إن الخيانه .. من تعدي .. تهون ؟!
من سهر يا (سهيري) .. لا يخاف الظلام = ومن طعن يا (غريمي) .. لا يهاب الطعون
من متى و(الجريح) يطيب عقب (الكلام) ؟! = من متى و(العيون) تحبّ (دمع العيون) ؟!
كفّ دمعك ؟! ترا توّي بديت الملام .. = يا خي بدري على الدمعات .. توهم يجون !!
لا تسولف .. ترا الفرقا تهد العظام = لا تسولف تراني صدق .. صدق امغبون
خل حزنك يسولف .. واذكر الله .. ونام = وحطّ راسك على صدر (الفراق الحنون)
وان صدفت (الهوى) قلّه : (عليك السلام) = وان صدفت (الحزن) قلّه : (عساها تهون)
انت ضيعتني عقب الجفا .. والخصام = وانت علمتني كيف الخيانه .. تكون
منت قد المسامح .. والوفا .. والغرام = أنت واجد عليك .. (تحب .. يوم .. وتخون) !!
لشــــاعرها / صــــلاح مرســـل العرجــاني