اليكم هذه المساجله الفكاهيه بين الشاعرين:_
ضيدان بن صبحان و سعدبن حسين الله يرحمه
يقول سعد:_
مايشبع الا فالولايم والافراح
,,,,,,,,,,,,,,,ذا المسلم اللى صار بطنه فضيحه
ماأدرى معاه الجن تاكل والاشباح
,,,,,,,,,,,,,,, والا شفاح اهل الكبود الصحيحه
يحضر عند الناس والقدر مافاح
,,,,,,,,,,,,,,, لين العشا عنه الستاره نزيحه
ماهمته نسبة دسمها والاملاح
,,,,,,,,,,,,,,, وعيا من الدكتور يسمع نصيحه
والمشكله ماهوب للضان ذباح
,,,,,,,,,,,,,,, استادكم ياللى ألسنتكم فصيحه
لادل من رايه ولاهوب نصاح
,,,,,,,,,,,,,,, جعله يطيح وينثبر فى مطيحه
ورد عليه ضيدان :_
ابوحميد بيتعشى ويرتاح
,,,,,,,,,,,,,,, وماكل ليل عند ربعه ذبيحه
فى بيت منه للمواجيب نطاح
,,,,,,,,,,,,,,, محمد منصا الوجيه الفليحه
والحر ياتيبه من البعد ملواح
,,,,,,,,,,,,,,,والعود يجذبنا من البعد ريحه
ودنياك يابن حسين ماجات به راح
,,,,,,,,,,,,,,,, وعزى لكم ياهل النفوس الشحيحه
اضحك وانا فى ايدى زقاره ومسباح
,,,,,,,,,,,,,,,, وخل الزعل لاهل الوجيه القبيحه
العود يطرح له ثلاثين ماطاح
,,,,,,,,,,,,,,,, مهوب مثلك عاجز فى نطيحه
يغشنى غش البريكات مزاح
,,,,,,,,,,,,,,,, الله لايثرى ثراه ويبيحه
وتقبلوا تحياتى ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,