[سعد بن سريّع]

.
.
.

تحبـــني حيـــل ؟!! . . أنــــا احبـــك شــويه
وينـــــــك يوم ان الغــــلا لك كان مجاني ؟

تقـــول : مـــا عـــاد في صـــدري محنيــــه !!
وانـــا لي سنيـــن . . اقول : ارجع على شاني

.
.

هذي سنـه يالملح والعشره = وقلوبنا عالبعد معتاده

حنينا فالصدر . . ياكبره = لكن مزون الكبر هداده

ما سال من ديم الوفا قطره = ولا فزع للبرق رعـــاده

زمل المشـــاعر صار له فتــره = على الحنايا قــل ميراده

خبري وكلمة ( خبري به ) عسره = عد ٍ تزاحم فيه ورّاده

يالصبر ما فاد الشقي صبره = والبعد شمسه تنجح فواده

وانا مع الليل احتري عذره = واقول خيط الفجر ميعاده

واصبر واقول ابنتظر بكره = يمكن خجل من قسوة بعاده

واثر غرامي مات من صغره = ولا احتفلت بعيد ميلاده

للحين عاده ساكن ٍ (قبره) = واطيافنا بالعيـــد ترتاده

يمكـــن تكون ايــامنا عبــره = للي نســـى فالحـــب ميعاده

وألا انـــا ما عاد ابي فجـــره = مــدام طبـــعه بالجفـــا . . عاده

وســــوالمـــ ,,