خل ربي بس يكتب لي سلامه=وأدري اني طبت من ذيك الجروح
وأوعدك ماتشوف ذيك الابتسامه=اوعك لا غيب عن عينك واروح
والله الا تشوف من يصدق كلامه=ومن يفرق بين جده والمزوح
القمر ستر والسما بدد ظلامه=لو تبوح السر والا ماتبوح
يحفظ الميثاق من عنده شهامه=لا يسب ولا ينم ولا ينوح
انجلى عن ناظري مثل الغمامه=مابقي لي بالبشر قلبن نصوح
كل خاين تكشفه بصمه ابهامه=وكل وافي يعشق أسلوب الوضوح
لعنبو رجال ماعنده كرامه=لعنبو رجال ماعنده طموح
ماتسيد للمقفي في غرامه=لو غبني صده الخل السموح
والغلا اللي صار ملحه من يدامه=ماكفاني سكر الملح الشحوح
لا يغرك بالحكي كثر اهتمامه=الشدايد بالزمن تبغي نطوح
وبالنهايه لا تلحقني ملامه=مافزع بلمعركه رجل(ن)شفوح
الله واكبر يا الهاجري قصيده جزله طال عمرك
وحاولت أختار لي كم بيت وكل ما اقرى اعين واحد احلى من الثاني
صح لسانك وبوحك واتمنى منك المواصله وإلى الامام
تقبل مروري
عــجــمــي فــل أوبــشــن 