[محمد بن ضمين العتيبي]

السلام عليكم ورحمة الله وبركاته
قصيده جديده وانشاءالله تنال على رضاكم واعجابكم

ياوجد عيني من فراق المظانين..
يوم التفت ثم جات عينه بعيني..

نقض جروحي وارجع الدمع بالعين..
وبانت على عيوني خفايا كنيني..

من يوم شفته مرت فبالي سنين..
سنين خابرها من اجمل سنيني..

يافوح كبدي ياعذاب المحبين..
من ونة(ن) تجتال بيني وبيني..

تعبت اقول ان القسى يردفه لين..
وتعبت اقول ان العوض بعد حيني..

ياعزتي للحال والناس ممسين..
وانا ليا غمضت موتي يجيني..

لكن ابصبر ياعسى ليلنا يزين..
ويزين وقة(ن)ماحسبته يزيني..

واطلب عسى الله يجمع الشمل ويعين..
ويصبر فوادي بفرقى ظنينيي..

ياوقت ياوقت الشقى ويش بعدين..
ناطر متى الي جوف صدرك يبيني..

وياغبنة(ن) فالصدر لاعاد ترجين..
ماعاد باقي شي ترجين فيني..

صحيح لن قالو ترى الوقت وجهين..
مره يزين وعشر يرجع يشيني..

وسلامتكم