:
لا وغلاتك مابقى بالسماء نور=من رحت عني مابقى بي بقايا
أحس كل الكون خالي ومهجور=شفت الوداع شلون سوى سوايا
يبكيك قلب وبيت والباب والسور=والضيقه اللي ساكنه بالحنايا
ويبكيك وجه الارض والعشب والبور=وليل النجوم الظاهرات العرايا
ويبكيك صمت اللي من الهجر مقهور=ويبكيك صبح الطاهرات الصبايا
ويبكيك صدق ونبض وأحساس وشعور=والتوبه اللي عذبتها الخطايا
ويبكيك غصن جف واوراق وزهور=وتبكي عليك المظلمات الزوايا
ويبكيك عمر مات له حفنه شهور=ويبكيك طيب وصدق بيض النوايا
حتى الشوارع دمعها صار معذور=والأرصفه وأنوارها والمرايا
تعال شف صدر السماء شح بالنور=الكون كله في غيابك ضحايا
:
__________________
,
لو مآوسَع صدر السمآ ( ضيقة الطير ) ..
. . . . . لآ تشرَه إن ضآقت علي الوسيعَـه !
,,