[سعود الجوفان]

صباح الخير للجميع

أخليكم مع القصيده ..

ماتحتاج مقدمات

؛’؛

جاني جوابك يابعد كل غالي= ومن القهر كسرت مافي يديّـه
.=.
خذيت ادوِّج بالفيافي لحالي=واجر صوتي باللحون الشجيّه
.=.
من سبة اللي صار بآخر مقالي=إنك على ماقلت تشره عليّه
.=.
والله ماتدري وش اللي فبالي=لو كان تدري ماقسى الظن فيّه
.=.
أنتي ترى في دنيتي ماصفالي=لك في حياتي قصةٍ سرمديّه
.=.
لك منزلٍ في داخل القلب عالي=ورياض خضرا قفرةٍ شاعريّه
.=.
ماهو على ماقيل حبٍ خيالي= شوفي غلاك بداخلي نار حيّه
.=.
والله ثم والله مالك بدالي=وانا بعد مالي بغيرك بنيّه

؛,؛

وسلامتكم

تحيتي