السلام عليكم
وشحالكم كلكم عساكم بخير
أعذروني على الإنقطاع
وأهدي لكم هذي المتواضعه للتواصل..
أذكروا الله.....
من فكري الواعي وهيض إبداعي=جبت القصيده بالذهـب مطليـه
إبداعي يرخي لهـا الاسماعـي=وفكري يصفيهـا ميـه بالميـه
لا ساند الإبـداع فكـرٍ واعـي=تاتي جميع المنتجـاات أصليـه
مركب ملك ماهيب مركب راعي=تفرق على اللي غيرها جبريـه
معها العقول الفاهمـه تنصاعـي=ماهي قصيدة صاحـب الشاميـه
منزهـه وانـا نزيـه أطباعـي=أحشم مقامـي وأحشـم القافيـه
ان ماطلعت إلى أحتمت بذراعي=مانيـب مـري لابتـه ياااميـه
فليت في بحر القصيد شراعـي=وسديت جوع الساحـة الشعبيـه
شعارها الإبـداع منـه جياعـي=في ديرة الشعر الجزل طرقيـه
وياللي تهوش وكنـك الفراعـي=السالفـه مربـوعـه ومثنـيـه
ان كنت جاهل صيفي ومرباعي=بعـزي التاريـخ فـي ماضيـه
السـوق للشـاري وللبيـاعـي=ماهـوب لـك وراثـةٍ شرعيـه
كثر الطمع يثر على الطماعـي=أخطر مـرض يتعـب النفسيـه
وتراك ماتجهل بعض لوضاعـي=بيني وبينـك حاجـةٍ شخصيـه
لكـن غيـر موجـة المذياعـي=ولاتسج إنحـن عيـااال قريـه
مـاودي أزود بـك الاوجاعـي=واعـذب الميـت بدمـع أخيـه
كم كلمةٍ تجتال بيـن أضلاعـي=ماتت وهي في مهدهـا مخفيـه
وسلامتكم.