السلام عليكم ورحمة الله وبركاته
هذه القصيدة قيلت بالأمير محمد آل رشيد (المهاد) وسببها انه اغار ابن صباح على النويحر واخذ نياقه و النويحر من قبيلة عنزه وكانوا جيران لشمر بذلك الزمان ولاكن النويحر أستنجدوا بالأمير محمد الرشيد (المهاد) فدخل الكويت واخذهم ..
وقال ناصر العنبر :-
حر شلع من قصر حايل مدلي *** يارب زين بالمدالي وفوقه
يشلع وياخذ بالخضيرا تعلي *** وكل القبايل شبهروا في سبوقه
كز الوعايد والرسايل تصلي *** وقال اطلعوا ياغوش صبيان سوقه
جاه النويحر قال ياهدمتلي *** غدابه اللي ماهقابه لحوقه
قال انفهج ماني لغوجك مخلي *** انشد عنه هي غرب ولاشروقه
وركبوا على مثل النعام المظلي *** والعيد خلي ما لقى من يذوقه
بس العذارى وعندهن منيسلي *** يذبح ضحاياهن ويرشف مروقه
وخلاف ذا يا راكب بكرة لي *** ما هي لحوح بعقب رجلك تسوقه
تلفي لإبن صباح وقت المصلي *** ومكيفن بين البنادر وسوقه
قل افتهم حنا لدارك ندلي *** ومي البحر لو هو ملاح نذوقه
يمسي بخير وخاطره مسفهلي *** ويصبح قناطير الفرنجي ريوقه