وش تسوي لو عشقت أنسان ماهو من نصيبك ...؟ = مايحبك كثر حبك .. وإن بغيته ماتهيا
التمادي مثل طردك للمقفي مايثيبك = والهوى له طرق ياعشاق مافيها غويا
أترك إللي يذبحك بالهجر وتشوفه حبيبك = المحبه من طرف واحد ,, نهايتها جفيا
صد عن من صد عنك ,, ويامحب الله حسيبك = قبلك إللي يرفعون الصوت وين أهل الحميا
من عواقب عشقهم شافوا مشفته من غريبك = أنت يللي مابقا من يمك أغرب من كذيا
من نشدني .. وش كذيا ؟؟ قلت جراحك طبيبك=راجعه ,, وإن مطلبك طبٍ بليا جرح عيا
خل عنك إللي يريبك ... رح إلى مالا يريبك = لو على سطح الثرا .. وصل طموحك لثريا