صباح / مساء الخير
أحبتي إليكم هذه القصيده الاخيره
أتمنى ان تتقبلوها بكل شوق
.
.
.
مثل ما إنّك على قد السوالف جبتني لأقصاي
تجيبك لي النوايا أشباه .. لين أجمّع ظنوني
وأنا عندي النظر يطوي الفراغ وتستريح خطاي
لأني من زمان أزرع صدق ،، والناس يجنوني
هذاك أوّل ،، وأنا أسمّع شوارع حيّنا مغناي
إلين إنّي صمخت إذن الحمام وطيّر لحوني
أحط إيدي إلى ضاقت علي سنيني : بمخباي
وأظل أنفخ هوا صدري / أصفّر / وأرجع بدوني
لانّي كنت .. إلى منّي سمعتك تنتخي دنياي
أروح أكسر لجل تهنا .. خواطر ناس يغلوني
أجل لو كنت ما تدري ؟؟ ،، فإدر وسولفه للماي
عشان إليا مشيت أذكر بأنك أوضح طعوني
تلمّستك طهر .. وأدري بإنك كل يوم براي
وذي غلطة عمر تنهش بقلبي وتنزع جفوني
ولكن لك أجر إنّي عرفت أصحابي من أعداي
وعرفت إللي أهم ،، إني أشوف الموت بعيوني !
.
.
.
أستودعكم بالله