السلام عليكم ورحمة الله وبركاته
صبحكم/ مساكم الله بالخير
اقدم لكم هذه المتواضعة , عسى ان تحوز على رضاكم
من خلال هذا المنتدى
والله أنه كل ما هب نسناس الهبوب=وقامت بيوت الشعر تطحن وسط الرحاه
اتخير في المعاني ولاني بمغصوب=يوم بعض الناس ينشب السانه في جماه
الشعر للنفس ما هو لعباي الجيوب=يوم بعض الناس جيبه من الشحذه ملاه
الشعر وهبه من اللي عليم(ن)بالغيوب=والشعر ما يرفع اللي ردي(ن) مستواه
المهم رحنا وجينا لدكتور القلوب=وانقلب راسه وصار(ن) اعيونه في قفاه
عقبها جمع الأطباء علي من كل صوب=وكل منهم هز راسه ولا ادري وش وراه
قال شفت السمن واشلون في الرمضاء يذوب=ذايب(ن) قلبك وموتك اخير امن الحياه
قبل اشوف اشعتك كنت احسب انك كذوب=صدق ما هو ينس الجمر غير اللي وطاه
قلت لوك شفت ما شفت ضيعت الدروب=حالف(ن) بالله فالكون ما تلقا اسواه
ولو تشوف العين والرمش تشرق بالشروب=ولو تشوف الحبه اللي بعد فوق الشفاه
ولوبغيت اوصفه صار ما عندي اسلوب=وان حكا ما ودك الا تسمع في احكاه
اتحدا فيه كل الخلايق والشعوب=القمر لو صار عنده يبي يزحف وراه
شفت بكره لو تجي الشمس من عند الغروب=ايتناسى قلبي اشياء وشيء(ن)ما نساه
ولا ترج الماء تحسبه مع المده يروب=أنت مثل اللي لقا الحر الأشقر واشتواه
ولا تحسب اني عقب كلمتك هاذي بتوب=غير سجل قصتي في ملفات الرواااااه
وسلامتكــــــــــــــــــــــــــــــــــــــــم