[القلب الطيب]

سلطان:

قوم ياصاحبي ضيدان جر اللحون=واعتبر كل واحد نجدته من يـده
تحسبنك علي في كل ساعة تمون=لين شفت السماءبرقه يدف رعده

ضيدان:

منتك في الشحم والآعلى المكرفون=من عميلٍ ليا واعد يجـي فوعـده
آل عرجامن ادنى شي مايزعلـون=ميرلاازعلتهـم ظفريـن ومقـرده

سلطان:

آل عرجا كفو لكن لا يبلشـون=بحرنا لالتطم موجه يعوم زبـده
مير بلغ قبايـل يـام ولاتهـون=راح بوش الابو والطق عند ولده

ضيدان:

بعد دار الهوى الغربي وادرنا العيون=كل مازال عيد يجيـك عيـد بعـده
ياوساع الصدور وياكبـار البطـون=علموا حلف اوسلولا يجيـب جهـده

سلطان:

كثرت انعام ربي وامتلن الصحون=ارفع ايدك لوجهه واشكره واحمده
ناس ماياكلون ونـاس مايشبعـون=وناس عن طرقة الساس ماتنشـده

ضيدان:

شدد الحرف والآسكنه بالسكـون=التلاميـذ ياسلـطـان متـعـوده
مثل ماعاشت الجما مع ام القرون=شطر بيتٍ ماعيده لو تقولي عـده

سلطان:

قلت ابا اسألك والجمهور لا يسمعون=قال خل السؤال شـي علـى حـده
لاتضيع العلوم ولاتخيـب الظنـون=من هو اللي يحـر البحـر ويبـرده

ضيدان:

اتصل بي بعد بكره على التيلفون=وخذ منـا بـال الجيـده جيـده
ياهواجر ترى لاهم ولايحزنون=ابن وسام يقصد شي مانقصـده

وسلامتكم