صباح الخير .,
من القديم على ذمة الغناوي 
معاد لي بكْ شفّ يا ( روضة خْريم )=ومعادك اتْهيضين قاف المتابع
لو كان جوّك جوّ , لارشّك الديم=وعشبك مع تبكيرة الوسمْ قابع
بشدّ منّك وأحتكم للمقاسيم=وعن مرْبعك .؟ ياكُثر غيرك مرابع
فكره ., على بال الهجوس المواليم=وإسقاط , ترجمته بليّا مطابع .!
والا انت ياللّي كان بي حبّك إمقيم=ويجْبع بقلبي من علاقتْك , جابع
عسى اللّيالي الأوّله , فالمقاديم .؟=تغفر لها السجدات بين الاصابع
ياما ., تمثنيت البيوت المناظيم=وغلاك , مابين المهاديف نابع
لكن روابع حبّنا , دون تقديم=ضعْفت ولاعادت بذيك الروابع
الاطباع خرْبت واعتلى جوّك الغيم=وبدّلت في طابعْك الاوّل بطابع
خطاك الاوّل .؟ طاف من غير تعميم=واتكرّره ثاني , وثالث , ورابع .!
وشلون تصفى , والنوايا مجاهيم .؟=وشولون أسامحْك وخطاك ايتتابع .؟!
صدّيت منّك , مثل صدّ المحاشيم=لو كنت من ذكراك , راوي وشابع
وأقفيت لاضايم , ولاناشني ضيم=بعيش متبوعٍ ولانيب تابع
وإن كانّي في وهْم تبّاعك إمهيم .؟=تأكّد إنْ فالمستحيلات .؟ سابع .!