[العماني]

الشاعر : محمد بن عبدالله الصبيّ والشهير بـ ( مبيلش ) شاعرٌ عملاق ينتمي الى قبيلة بني زيد وُلد وعاش في شقراء وهي موطن آبائه وأجداده واليكم احد قصصه:

مناسبة القصيدة :

كان مسافراً الى الكويت فلما رجع كان بحوزته مال وفير ففكر في اصلاح داره الصغيرة ، وجلب العمال لهدمها ، فلما هُدمت وأصبحت ارضاً صغيرة وكثرت عليه آراء الناس في تصميم البناء ( الله من اللقافة فيهم ) ، أقول ولما كثرت عليه آراء الناس وقف عليها وهو محتار منها فأنشد هذه الأبيات :

لا واحسايف داري اللي غدت قوع=تلاوحوها بالعــتل والفـواريع
مانيب عن تصـريف داري بممنوع=أحطها حيـشان والا مـرابيــع
دار أولين(ن)كنّهــا بيت جربوع=نصف(ن) مداخيـل(ن)ونصـف(ن)مطاليع
أطول خشبها مايعدّى ورى البوع=وصغـارها كـنه عظامة كراسيع
محنونـين في وقت شدّاد مقطوع=مايصلح الا للحـقق والشـلاليع
وابو خليل عويّب الكفّ والكوع=لاقلت عجّل قال ما اسمع ولا اطيع
والله يلولا الحــبل مثني ومربوع=على السـواعــد لـيّتين(ن) بتربيع
لاصيح للـدلال وأعطـيه منفوع=واقول حـرِّج كلــمتين(ن) وابابيع

تقبلوا تحياتي،،