في بسمتك لوحة كدر دربه طويل= لواني مابخص بسمتك عديتها
نفداه بدرك والدجا والسلسبيل = وروح على كل البشر اغليتها
علمني وش تخفي عليه ياجميل =عطني همومك كلها فديتها
نفسي فدايا دمعة منك تسيل=لوك محنه عني قد خشيتها
مانيب خابرك انت باخبار بخيل=خابرك لامن جيتني هليتها
وخابرك ذاخرني على الحمل الثقيل=اطفي لهايب نارك ان طبيتها
ماينكر النعمه سوى جاحد جميل=ونفسي على درب الوفا ربيتها
ياما احتظنت من الغلا هم العليل=وياما ضويت ادروب سود جيتها
يومك تهون لوعتي عقب الرحيل=وترتب افكار جرى تشتيتها
ونا لو اني صرت من اهل (الجبيل)=غصب على ياغايتي حليتها
ماني على وصلك معبر مستحيل=روحي معك( بالضاحيه) خليتها
والحين قلي طالبك وقتي قليل=ليلي سرى والشمس تبني بيتها