أمـد شوفـي ماتـرده زبــاره
مدٍ خلي والقاع قفـر ومداهيـل
أقنص بقرنـاسٍ براسـه نعـاره
أحمر ظهر وافي من الراس لا الذيل
ماهمني اشقر وش ابغـي بشقـاره
ماهمني الا طيـر زيـن التماثيـل
متنومس بعزام شيـخ الصـداره
طيرٍ منومسني ولا اسمع به القيـل
طيرٍ ليامن جيـت لا ذي حبـاره
تل ولحقها كنهـا لـه تساهيـل
يردَّها لو هي سبـوق بشطـاره
ويلعب بها لعب الهوى بالمناديـل
من ضربته مايذبـح الا بعـزاره
كاسب رهاني فيه جيلٍ بعد جيـل
في مذبح حبـاراه ناتـي مـزاره
وتزين من فعله جميـع الأقاويـل
وصح لسانك على القصيده
وتقبل مروري ياسعودبن جوفان