[البليهي]

السلام عليكم ورحمه الله وبركاته


بصراحه شدني الموضوع وحبيت اشارك اخواني الراي


اخي العزيز بومبارك بارك الله فيك وفي كلامك الطيب

انا اشوف ان قصدك واضح والهدف ايضا واضح

المجلس البلدي والامه وحتى الجمعيه والله الذي لا اله الا هو انها تحتاج ناس فاهمين ودارسين لان امورهم اللي رح تواجهم سواء في المجلسين او حتى الجمعيه اما تشريع وسن قوانين او دراسه ماليه او مخططات او او او كلها رح يواجهها العضو في كل مجالاته

فاما انه يبدع ويفهم اللي قاعد يدور حوله وعلى اساس فهمه يتخذ القرار المناسب والا انه يفتح فمه ولا هو بعارف وش اللي قاعد يصير ويمشونها الرجاجيل على شاربه ( ويمكن يكون هذا الرجال اللي يمشونها الرجاجيل على شاربه من خيره القبيله كاخلاق وسمعه طيبه ولكنها لن تنفعه اخلاقه وسمعته الطيبه فقط بل لابد من وجود فهم وعقل وشهاده مع الاخلاق والسمعه الطيبه )


وحنا ما ننكر ان فيه ناس ما عندهم شهادات واخلاقهم لا يعلى عليها ويمكن يكونون مثال يحتذى به ولكن لا جات سالفه انتخاب ما عتقد ان القبيله مافيها احد عنده شهاده على اقل تقدير جامعيه ويمتلك كذلك من الاخلاق مايؤهله ان يختاره ابناء عمومته ليمثلهم في الانتخابات



في الختام اتمنى من الجميع قبول رايي حتى لو كان خطا من وجهه نظره


.