اقتباس:
|
المشاركة الأصلية كتبت بواسطة سالم الرتيبان
اتقدم بخالص الشكر والتقدير لجميع اعضاء شبكة قبيله العجمان وادارة الشبكه و الى جميع المراقبين
والله يجملني فذا القصيده الي اهديها لكم ولخوي فلاح بن ملبز وسامحوني
على القصور
في بو محمد الملبز فلاح ابتدى العنوان = اسخر حروف الشعر والشعر لاحاني
توكل على الله ياقصيدي وانا طربان = صدى صوت رشاشك يابن ملبز احياني
فيوم الثلوث الي به المجتمع فرحان = فرحنا بصوته والفشق فاالسما باني
سلامي على اللي وقفته تبري الوجعان = سلامن يجي من خافقي لنطقة لساني
ازفه بريح العود والمسك والريحان = وريح الخزامى لغدى له تلواني
تحزمت به وانا اشهد ان محزمي مليان = وانا صاحبي يالربع من نسل فرساني
من الهادي اللي ذكرهم دوم فاالميدان = لاصاح المنادي وقفو والعمر فاني
وابذكر من الفرسان حماد ابن حذران = راع العشوا الي هدها فيوم الاكواني
وابذكر الاسير الي مع شيخنا راكان = هذا عامر ابن دهام والذكر يشعاني
فزع للقبيله وان فزع دايمن عجلان = مع الابه الي قادها الشيخ راكاني
وابا اجيب ذكر الجحفلي وذكر فعله حان = في هية مريخ وذكر فعله لنا باني
وليل ونهار ابن المتلقم مع قمدان = نباهم ينومسني على مر الازماني
وانا مانسيت فعول ربعي من العجمان = ومن شاف جمع اربوعنا بات شقياني
ختمها ولد عيد السنافي بن ارتيبان = زبون المجنا من زبن بات شبعاني
وتوكل على الله ياقصيدي وانا طربان = صدى صوت رشاشك يابن ملبز احياني
|
السلام عليكم ورحمة الله وبركاتة
آرحب مليار والله أني صادق يا ابو عيد 
وصح لسانك على ذا القصيدة الجزلة
وبيض الله وجهك يا السنافي
وما سوينا شيء حق و واجب
ولاهنت يا الأمير