الحلقة الخامسه
ها وش صار على الكولا والجبن ؟
ادري انها اعجبتكم
المهم , انتو سببتو لي زحمه صراحه وماتبوني اجزء الرحله فــ لازم نسوي اللي تبون وبحاول اختصر كثر ما اقدر , مع اني اشوف ان فيها ظلم للموضوع , على كل حال اليوم بعطيكم يومين بحلقه وحده , للعلم اني قعدت في باريس 3 ليالي , يعني 4 ايام . لكن بخلي باريس في حلقتين بس ونرجع لندن نكمل حلقاتنا فيها .
نرجع لموضوعنا ؟
المهم , نزلنا من محطة القطار ورحنا للفندق اللي حجزناه بالحلقه الأولى , تذكرونه ؟
وصلنا للفندق المزعوم وهذي لوحته << اعجبتني بصراحه ! 
وهذا اللوبي فيه , حلو ومرتب وملمووم
وهذي صوره للمكتبه اللي في اللوبي , ومثل ماقلت لكم ثقافتي مو فرنسيه فــ ما استفدت منها 
وهذا مطعم الفندق , فيه فطور عجيب وعصاير لذيذه للفطور , وبعد الضحى يحطون كيك وعصير للنزلاء الى فترة الظهر وتنشال .
الحين وصل دور الغرفه المحجوزه
الغرفه من زاويه ثانيه
وهذي اعزكم الله المغاسل
وهذا تلفزيون الغرفه , مجكنم على قدها 
واكثر شي عجبني بالفندق هو الاصنصير ! كان يولع لون في كل دور
يعني كل دور له لون مخصص ! شوفوا طريقة الالوان في الاصنصير مع رقم الدور !
وناسه صح ؟ 
المهم
طلعنا من الفندق وعلى طوول هجوووم على المذكور باللوحه
وأول منظر شفته بالشانز , هو المنظر العجيب لقوس النصر في نهاية الشارع
ما افترينا واجد , ذابحنا الجوع , توجهنا بعها لــ بيتزا بينو , اشهر مطعم في الشانز وبالنسبه لي ؟ أحلاهم
لا تذوقون المارجريتا عنده شي شي .
بعد ماطلبنا جاب لنا مقبلات , واول ماشفت شكل الخبزه تذكرت على طوول كارتون هايدي الجميله والآنسه مينشين
وصل الأكل , ولاحظوا اني حريص الاطباق كلها خضار ! 
بعد ما اكلنا ولله الحمد , توجهنا على طووول لأشهر مقهى في اوروبا مقهى الفوكيت << من كثر ما نسمع عنه حلفنا نجيه اول شي بس الجوع ماخلانا 
جلسنا فيه شوي ولاحظت ان فيه شي غريب عجيب , كلن قاعد يترزز بس ماعنده من الشغل الا الترزز , قلنا ماعليه نترزز مثلهم ونزودها بالترزز بعد , ماهم اطيب مني يترززون وانا اشوف
قعدنا نترزز لين جاء الليل ورحنا ننام علشان بكره نروح لإيفل .
وصار بكره وتوجها لإيفل تاور , برج ايفل <<< يعني قاعد تترجم ؟
وهذا منظر من مناظر الطريق ! قواري للايجار تحط فيش وتاخذ القاري , طيب ماتنسرق يعني ؟
والا حاطين فيها شريحه ؟
وهذي بعد مكتوب عليها الاكاديميه الوطنيه الموسيقيه , بس يمكن تطلع شي ثاني , متحف مثلا ! 
وهذا من اجمل المناظر اللي شفتها بالطريق , نهر السين وغروب الشمس , يا سلام 
دربك خضر لــ برج ايفل
وصلنا للموقع المطلوب , شفنا البرج مندعس , مستحي مني !
بعدها بدقايق , انا اللي استحيت منه ! 
ومن تحت البرج شفت ذالمهبول من جينا لين رحنا وهو يشقلب !
وهالمره بأختم مو بأكل , بأختم لــ ثلاث مناظر ليليه لبرج ايفل التقطتها لكم
الاولى
الثانيه
الثالثه
واحمدوا ربكم ماحطيت لكم اكل هالمره
اشوفكم بالحلقه الجايه وختام باريس والعوده الى لندن وتكملة الحلقات الختاميه فيها .