يالله ياللي تعلم السر والغيب=تقبل صلاتي لك وتقبل صيامي
وتجعل لنا عرض ٍ نزيه ٍ عن العيب=وتفكنا من شر سوء الآثامي
ابن آدم ٍ ملفى الخطأ والعذاريب=لو مافعل رميت عليه التهامي
وربعي لقوا بي عقب ماشبت انا عيب=بتسطير كتب مفسرين الاحلامي
قلت اخبروني ويش مغضي هكالعيب=قالوا على ساقة رفيقك تحامي
قلت ان هذا من قديم ٍ لنا عيب=مستارثينه من خوال وعمامي
العيب ترك المعرضه بالمواجيب=ولا الرفيق بفزعته مانلامي
رفيقنا كنّه بروس الشخانيب=في راس حيد ٍ نايف ٍ مايظامي
ورفيقنا مانجدعه للقصاصيب=يجبربنا لو مكسره بالعظامي
ورفيقنا لوهو من الجد بصليب=متجود ٍ منا براس السنامي
هذي قدايمنا الى عدّوا الطيب=وكل ٍ يريع لفعل اهله القدامي
مركاضنا يشبع به النسر والذيب=ونروي معاطيش السيوف الظوامي
يتلون ابو بندر ربيع السعابيب=اللي على ميره تعيش اليتامي
ان سلم راس مبيّد الكنّس النيب=حريبنا في مرقده ماينامي
غنّوا بها ركّاب عوج المصاليب=من مصر ٍ الغربي الى دار يامي
وسلامتكم.. القصيده طويله وهذي اللي حفظتها
شعر المرحوم الامير الفارس/ عبيد بن رشيد
ابو بندر يقصد الامير طلال العبدالله الرشيد (زقيحان)