شيرو على اللي في هواه ابتلاني=اللي عشقته قبل عينـي تشوفـه
اللي من اسبابـه تبعثـر كيانـي=ولولاه ماشفت العنـا والكلوفـه
قولوله اني مارجيـت بزمانـي=الأ بعطف(ن)منـه والأ مروفـه
لاصار حبه ساكن(ن) فالمحانـي=لايلحق الحب العفيف الحسوفـه
عقلي وقلبي والغـلا والأمانـي=عنده توقف كل مطري حروفـه
أنا معه في كـل شـيء بغانـي=ليا صفى بعض الليال امخلوفـه
اللي جماله فـارق(ن) للعيانـي=واللي عن الخفرات تفرق وصوفه
عنيت له والحب ماهـوب فانـي=واللي بجوفي ليته انـه بجوفـه
سطرت ماحسه بوسط المعانـي=ومردود رده يوم تسمح ظروفـه