[فلاح بن ملبز]

المشاركة الأصلية كتبت بواسطة احمد بن جوفآن

يا خالد الليل سرَآني وخاويته=اسهر معه بين موالي وقيفاني
يا خالد اسمع وش الي منـَــك اخفيته=دامك تنـشـَـد وش الي مسهر اعياني
لي صاحب ٍ(ن) في غيابه كم تباطيته=هذاك هو سبة جروحي مع احزاني
يا كم سهرت الليال وكم تحريته=مدري علامه إلى ذاليوم ما جاني
ياليت يدري عن احوالي وياليته=يذكر وش الي بذاك اليوم وصاني ؟
ان ابتعدنا وخلاني وخليته=منساه لو نفترق وهو ما ينساني
ما اذكر ان في حياتي يوم جافيته=ولا اذكر انه يحاول يوم يجفاني
لاضاق هملت كل الناس ثم جيته=ولا ضقت همل جميع الناس من شاني
هذاك ماغيره احد ٍ قد تمنيته=هذاك والله ملك روحي و وجداني
من زود حبي * مناة القلب* سميته=ومن زود حبه *امير القلب* سماني
لا شفت طيفه بوسط الصدر ضميته=وإليآ ابتعد قلت : تو الناس ممداني ؟
وارجع واضمه بصدري ثم بكيته=ومن شفت دمعه جرحني ثم بكاني
الهم في غيبته كن الحشا بيته=من بد هالناس .. يتركهم وينصاني
وافي على العهد والله ما تناسيته=وافي ولو الزمن فيه يتحداني
يا خالد القلب عناني وعنيته=سقته بـدنيا الغرام الي تولاني
والحين تعرف وش الي منـَـك اخفيته=لآ عآد تنشد وش إلي مسهر اعياني

يابررررررري حالي