وعدتكم بعد المصافحه الاولى بغيرها 
وها انا اوفي بوعدي
بابيات اتمنى ان تعجبكم
وسامحوني على القصور
انا عريب الجد من عم ومن خال=وربعي هل الناموس يوم الرظيمه
مانيب اخاوي لي رخوم(ن)وجهال=اللي عواقب معرفتهم وخيمه
نفسي مضريها على خوت رجال=اللي بحزات المكارم كريمه
شرواك ياناصر على كل الاحوال=طيبك مع العالم علاقه حميمه
رجال مع ربعه ومن راس رجال=وحتى فعوله ظاهره من صميمه
واللي مهوب مثله بيرثى له الحال=اللي الرخامه من طبوعه قديمه
وسلامتكم
اخيكم
سماوي بن نجم