ُ
ُ
قال الأيام عدله ،،، قلت الأيام عوج=قال في حال ،،، قلت بكل حالاتها
دام باب الدخول بجنب باب الخروج=وين مبدا العداله ،،، وين لذاتها !!!
خذ صحيح الكلام وخل عنك الهروج=مادخلت القلوب وشفت علاتها
كل من شفت حولك لو تعلا البروج=خايف من عنا الدنيا ولوعاتها
لو تمتع بماله وأمتلاك الفجوج=مايخفف عناه بكثر سجاتها
جس نبض الزمان يبين حزن يلوج=في قلوب تشوف الجرح بسكاتها
مثل مركب مسافر بين موج وموج=رحلةٍ ،،، ماعشقها حب في ذاتها
جات دون إختيار وقام معها يدوج=تحت رحمة نواياها وغاياتها
صاحبي ،،، خل عمري للسؤال اللجوج=وأنت ،،، (( خلك مع أيامك وضحكاتها ))
ً
ً