السلام عليكم ورحمة الله وبركاته
.
.
.
صبـاح / مسـا .. الخيـر ,,
.
.
قصيده كتبتـها على لسـان .. صديق لـي ,,
عسـى ان ترقـا لو بـ/ قليـل من ذائقتكم ...
.
.
يسري بي الهاجس .. ليامن ذعذعت ريح الشمال=كن الهبايب تنقض جروحي .. ولا تدري بها
اقلب الذكرى واسج الرجل .. لا مال الضلال=واجر صوتي من غبن نفسي .. ومن تعذيبها
تعبت اقول .. الهم زال .. وخابر إنـَه .. لا يزال=وتعبت ودروب الشقا .. مبطي وانا امشي بها
وتعبت من طول السهر ما بين .. حزن .. وضيق بال=ومن ونة ٍ(ن) وسط الضماير .. كل ليل اسري بها
وتعبت اكابر واخفي دموعي .. ليا كِثر السؤال=عن قصة ٍ(ن) والله مدري .. كيف انا ببدي بها
الجادل الي من سنه .. من بيننا ,, مات الوصال=راحـت ,, ولاضن الليال .. المقبـله تاتي بها
يا حر كبدي يوم صدَت ضايقه .. والدمع سال=ما كنها إلآ ترتجي .. يـ/احمد ,, وطرَت جيبها
والله لولا العيب .. والمنقود .. وسلوم الرجال=لا خمـَها من بينهم .. واصد واقفـَي بها
يا ويش اسوي ما قويت البعد ,, يوم البعد طال=وكنت احسب اني من صغر سني .. وانا نصيبها
الله .. على ظلم الزمن والله على جور الليال=ياكم عطيناها وهي دايم تشح .. بطيبها
نبني ونبني .. بالامل .. وآمالنا ,, صارت محال=وعيوننا من غبنها .. قامت تهل الي بها
اي والله اني عقبها عايش على .. وهم وخيال=اكذب على نفسي واقول : إن الليال .. تجيبها
الله يصبرني ليامن ذعذعت ,, ريح الشمال=والله ينسيني ,, جروح ٍ(ن) .. ماحد ٍ(ن) داري بها
.
.
الشيـله بـ/صوتـي ,,
( ملاحضه / الشيله تبدأ .. شيله وإلقاء وعقبها الشيله كامله )
بيض الله وجه من سواها
.
.
.
احمد بن جوفان
__________________
.
{ عسى الله يفك عوق أبو حمدان }
لولا الأمل .. مات الفقير .!
.