[بنت راكــــان]

نهار ثالث عقب عيد الرمضاني = ناس عطاها الله وناس محرومه

احد قضى عيده سلام وتهاني = واحد توصل للكواكب همومه

صادفت صدفه من صدوف الزماني=منها قوي الحيل تفتر عزومه


هذا زمان الهم والامتحاني = وقت على قلبي تعاقب سهومه

الاوله كامل جميع المعاني = امزبن المضيوم شرع الخصومه

محمد اللي في القسى واللياني =عقبه سمايه غايبات نجومه

والثانيه باقرب قريب وداني = خامس عيالي يوم جتني علومه

قالوا مابين الخاصرهع وحلباني = واللذ كماة اللي ترجى قدومه

جاء يومه الموعودج باربع ثواني = قلت السبب قاللوا: دنى منه يومه

علم على الكبد السخيه كواني = كيه عطب مالتنشكى للحكومه

تهشمت كل الضلوع المحاني = مفجوع والمغجوع محد يلومه

اخذت لي ساعه وانا في مكاني = حسبت لي عشرين طيحه وقومه

وليا بغيت الهرج ييبس لساني = والذاكره عندي تقول معدومه

قمت اتلفت واتسمع باذاني = ومن شاف حالي ماتهنى بنومه

ممابقلبي رحت بالليل عاني = للموتر اللي مابقى اللى رسومه

عن روحتي ياليت ربي نهانب = ولاشفت دمه سايح في هدومه

قمت ودغنته والله المستعاني = في خرقه بيضاء عليه محزومه

يم القويعيه بلاد قحطاني = والحر غير لون وجهي رسومه

واقفيت من عنده وعشري ثماني = مثل المصبح والبلاد محكومه

والله لولا اني وسيع البطاني = لااصكها مثل اشقر الريش حومه

طاوعت نفسي مير عقلي قواني = عن الخطا مافيه نفس معصومه



هذي مرثيه للشاعر / ناصر الشايع في احد ابنائه